കൊച്ചി: മാവേലി സ്റ്റോറുകള്‍ ഇന്ന് തുറന്ന് പ്രവര്‍ത്തിക്കും. വാര്‍ഷിക സ്റ്റോക്കെടുപ്പിന്റെയും അവധി ദിനങ്ങളുടെയും പശ്ചാത്തലത്തില്‍ സംസ്ഥാനത്തെ സപ്ലൈകോ ഔട്ട് ലെറ്റുകള്‍ തുടര്‍ച്ചയായി അടച്ചിടേണ്ടി വരുന്നത് മൂലം ഉപഭോക്താക്കള്‍ക്ക് ഉണ്ടാകുന്ന അസൗകര്യം കണക്കിലെടുത്താണിത്.
സ്റ്റോക്കെടുപ്പില്‍ മാറ്റം വരുത്തി സംസ്ഥാനത്തെ എല്ലാ മാവേലി സ്റ്റോറുകളും ഇന്ന് തുറക്കുന്നതിനുളള ക്രമീകരണങ്ങള്‍ ഏര്‍പ്പെടുത്തിയതായി സി.എം.ഡി എ.പി.എം മുഹമ്മദ് ഹനീഷ് അറിയിച്ചു.
പുനഃക്രമീകരിച്ച വിധത്തില്‍ മാവേലിസ്റ്റോറുകളുടെ പ്രവര്‍ത്തനം ഉറപ്പു വരുത്തുന്നതിന് സപ്ലൈകോ റീജ്യനല്‍ മാനേജര്‍മാര്‍ക്കും ഡിപ്പോ മാനേജര്‍മാര്‍ക്കും പ്രത്യേക നിര്‍ദേശം നല്‍കിയിട്ടുണ്ട്.