കോഴിക്കോട്: അപ്പവാണിഭ നേര്‍ച്ചയോടനുബന്ധിച്ച് നാളെ വൈകിട്ട് ഏഴിന് മജ്‌ലിസുന്നൂര്‍ ആത്മീയ സംഗമം പാണക്കാട് സയ്യിദ് ഹൈദരലി ശിഹാബ് തങ്ങള്‍ ഉദ്ഘാടനം ചെയ്യും. സയ്യിദ് മുഹമ്മദ് കോയ തങ്ങള്‍ ജമലുല്ലൈലി നേതൃത്വം നല്‍കും.
പി.കെ.പി അബ്ദുസ്സലാം മുസ്‌ലിയാര്‍ അധ്യക്ഷനാകും. ഹസന്‍ സഖാഫി പൂക്കോട്ടൂര്‍ മതപ്രഭാഷണം നടത്തും. രാത്രി ഒന്‍പതിന് ഒളവണ്ണ അബൂബക്കര്‍ ദാരിമിയുടെ നേതൃത്വത്തില്‍ റാത്തീബ് നടക്കും.
ഇന്ന് വൈകിട്ട് അഞ്ചിന് സ്വലാത്ത് വാര്‍ഷികം നടക്കും. വൈകിട്ട് ഏഴിന് സ്വലാത്ത് മജ്‌ലിസിന് വാവാട് കുഞ്ഞിക്കോയ മുസ്‌ലിയാര്‍ നേതൃത്വം നല്‍കും. 8.30 ന് മുസ്തഫ ഹുദവി ആക്കോടിന്റെ മതപ്രഭാഷണവും നടക്കും.