ഗോള്‍ഡ് കോസ്റ്റ്: 2018 കോമണ്‍ വെല്‍ത്ത് ഗെയിംസിനുള്ള ഇന്ത്യന്‍ സംഘം ഗോള്‍ഡ് കോസ്റ്റിലെത്തി. 200 അംഗ സംഘമാണ് ഇന്ത്യയെ പ്രതിനിധീകരിച്ച് ഗോള്‍ഡ് കോസ്റ്റിലെത്തിയിട്ടുള്ളത്. അത്‌ലറ്റിക്‌സ്, ബോക്‌സിങ്ങ്, ബാസ്‌കറ്റ് ബോള്‍, ഹോക്കി, ഷൂട്ടിങ്ങ് എന്നിവരുടെ സംഘം താരങ്ങളുടെ വില്ലേജില്‍ എത്തിയതായി ഇന്ത്യന്‍ ഒളിംപിക്‌സ് അസോസിയേഷന്‍ അറിയിച്ചു. താരങ്ങള്‍ക്ക് കാലവസ്ഥയുമായും പരീശീലന സ്ഥലവുമായും പരിചയപ്പെടുന്നതിനാണ് സംഘം നേരത്തെ എത്തിയതെന്നും ഒളിംപിക് കമ്മിറ്റി പറഞ്ഞു.
വിക്രം സിങ്ങ്‌സിസോഡിയ, ഇന്ത്യന്‍ ടീം മാനേജര്‍ നാംദേവ്, അജയ് നരംഗ്, ഷിയാദ് എന്നിവര്‍ ഇന്ത്യന്‍ സംഘത്തിനുള്ള സൗകര്യങ്ങള്‍ വിലയിരുത്തി. നിലവില്‍ താരങ്ങളുടെ പാര്‍പ്പിട, പരിശീലന സൗകര്യം മികച്ചതാണെന്നും അധികൃതര്‍ വിലയിരുത്തി.