മാഡ്രിഡ്: റയലില്‍ തനിക്ക് ആവശ്യമായ ആത്മവിശ്വാസം കിട്ടുന്നില്ലെന്ന് സ്പാനിഷ് സൂപ്പര്‍ സ്റ്റാര്‍ ഇസ്‌കൊ. കഴിഞ്ഞ ദിവസം അര്‍ജന്റീനക്കെതിരേയുള്ള മത്സര ശേഷം മാധ്യമങ്ങളോടാണ് ഇസ്‌കോ ഇക്കാര്യം പറഞ്ഞത്. ഇസ്‌കോയുടെ ഹാട്രിക്കിന്റെ പിന്‍ബലത്തിലായിരുന്നു സ്‌പെയിന്‍ അര്‍ജന്റീനയെ തകര്‍ത്തത്. റയലില്‍ ഒരു കളിക്കാരന് ആവശ്യമുള്ള ആത്മവിശ്വാസം എനിക്കുണ്ടായിരുന്നില്ല. ദേശീയ ടീമിന്റെ കൂടെയുള്ള മത്സരം എനിക്ക് പുതുജീവന്‍ നല്‍കി. സ്‌പെയിന്‍ കോച്ചിന് എന്നില്‍ വിശ്വാസമുണ്ട്. അതുകൊണ്ട് ഞാനൊരു മികച്ച കളിക്കാരനാണെന്ന് കാണിച്ചുകൊടുക്കണം, ഇസ്‌കൊ പറഞ്ഞു.
സിദാന്റെ വിശ്വാസം നേടാനാവാത്തത് എന്റെ പ്രശ്‌നം കൊണ്ടാവാം. സിദാന്റെ വിശ്വാസം എങ്ങനെ നേടിയെടുക്കാനാവുമെന്ന് അറിയില്ലെന്നും ഇസ്‌കോ പറഞ്ഞു. സിദാന് കീഴില്‍ ഇസ്‌കോക്ക് കൂടുതല്‍ അവസരങ്ങള്‍ ലഭിച്ചിരുന്നില്ല.