ചെര്‍പ്പുളശ്ശേരി: ആവിഷ്‌ക്കാര സ്വാതന്ത്ര്യത്തിന്റെ പേരില്‍ മതപണ്ഡിതന്‍മാരെ വേട്ടയാടുന്നത് അവസാനിപ്പിക്കണമെന്ന് പാലക്കാട്ജില്ലാ ദാരിമീസ് സംഗമം ആവശ്യപ്പെട്ടു. മതപ്രബോധനത്തിന്റെ പേരില്‍ സംഘടിപ്പിച്ച സംഗമത്തില്‍പോലും മതം പറയുന്നതിന് വിലക്ക് ഏര്‍പെടുത്തി മത പ്രബോധനം തടസപെടുത്താന്‍ നടത്തുന്ന ബോധപൂര്‍വമായുള്ള ശ്രമങ്ങള്‍ ചെറുത്തു തോല്‍പ്പിക്കാന്‍ പണ്ഡിതന്‍മാര്‍ രംഗത്ത് ഇറങ്ങണമെന്നും സംഗമം ആവശ്യപ്പെട്ടു. സുലൈമാന്‍ ദാരിമി കോണിക്കഴി അധ്യക്ഷനായി. കെ.സി. അബൂബക്കര്‍ ദാരിമി ഉദ്ഘാടനം നിര്‍വഹിച്ചു. അബ്ദുള്ള ദാരിമി കോട്ടപ്പുറം മുഖ്യപ്രഭാഷണംനടത്തി.
കോഴിക്കോട് ഇടിയങ്ങര ശൈഖ് പള്ളി പുനര്‍നിര്‍മാണപ്രവര്‍ത്തനത്തിന്ന് ഫണ്ട് ശേഖരിക്കാന്‍തീരുമാനിച്ചു. ജില്ലാകമ്മിറ്റിക്കു കിഴില്‍ റിലീഫ്‌സെല്ലിന് രൂപം നല്‍കും. പ്രവര്‍ത്തനം ശക്തിപെടുത്തുന്നതിന്റെ ഭാഗമായി നാലു മേഖലകളായി തിരിച്ചു കമ്മിറ്റികള്‍ രൂപികരിക്കും. ഗഫൂര്‍ ദാരിമി ഹൈതമി, ഹംസ ദാരിമി ഇരുമ്പലശ്ശേരി, അബ്ബാസ് ദാരിമി, ഷമീര്‍ ദാരിമി, ഹംസ ദാരിമി വിളയൂര്‍, ശാഹുല്‍ ഹമീദ് ദാരിമി പട്ടാമ്പി, മുസ്തഫ ദാരിമി, ഇസ്മായില്‍ ദാരിമി എന്നിവരെ ചുമതലപെടുത്തി.
അബ്ദുല്‍കാദര്‍ ദാരിമി. വീരമംഗലം, അഷ്‌റഫ് ദാരിമി പുലിശ്ശേരി, ഷെരീഫ് ദാരിമി, ഹംസ ദാരിമി, ഇസ്മായില്‍ ദാരിമി പട്ടിശ്ശേരി, ശിഹാബ് ഹൈതമി, ബഷീര്‍ ദാരിമി പ്രസംഗിച്ചു. കാജാ ദാരിമി സ്വാഗതംപറഞ്ഞു. സകീര്‍ഹുസൈന്‍ ദാരിമി നന്ദിയും പറഞ്ഞു.