ന്യൂഡല്‍ഹി: കേരള ഹൗസ് റസിഡന്റ് കമ്മിഷനറായി ഡോ. ഇന്ദര്‍ജിത് സിങ് ഐ.എ.എസ് ചുമതലയേറ്റു. സംസ്ഥാന പട്ടികജാതി പിന്നോക്ക വിഭാഗ വകുപ്പ് അഡീഷനല്‍ ചീഫ് സെക്രട്ടറിയായിരുന്നു. 1985 ബാച്ചിലെ കേരള കേഡര്‍ ഐ.എ.എസ് ഉദ്യോഗസ്ഥനാണ്. ഫിനാന്‍സ് റിസോഴ്‌സ് പ്രിന്‍സിപ്പല്‍ സെക്രട്ടറി, ഡിസാസ്റ്റര്‍ മാനേജ്‌മെന്റ് സെക്രട്ടറി, എക്‌സൈസ് കമ്മിഷനര്‍, പത്തനംതിട്ട ജില്ലാ കലക്ടര്‍, കേന്ദ്ര ശാസ്ത്ര സാങ്കേതിക മന്ത്രാലയത്തിലെ ജോയിന്റ് സെക്രട്ടറി എന്നീ തസ്തികകളില്‍ സേവനമനുഷ്ഠിച്ചിട്ടുണ്ട്. അമൃത്‌സര്‍ സ്വദേശിയാണ്. കേരള ഹൗസിലെത്തിയ ഇന്ദര്‍ജിത് സിങ്ങിനെ അഡീഷനല്‍ റസിഡന്റ് കമ്മിഷനര്‍ ഉഷ ടൈറ്റസും മുതിര്‍ന്ന ഉദ്യോഗസ്ഥരും സ്വീകരിച്ചു.