മാഡ്രിഡ്: സ്‌പെയിനില്‍ നടക്കുന്ന എം. ഐ. സി കപ്പില്‍ ഇന്ത്യന്‍ അണ്ടര്‍ 16 ഫുട്‌ബോള്‍ ടീമിന് മൂന്നാം ജയം. കഴിഞ്ഞ ദിവസം ഒരു ഗോളിന് ഇന്ത്യന്‍ സംഘം സ്വീഡിഷ് ക്ലബിനെ പരാജയപ്പെടുത്തിയിരുന്നു. രണ്ടാം മത്സരത്തില്‍ ബി. സി. എ ആസ്‌ത്രേലിയയെ എതിരില്ലാത്ത ഒമ്പതു ഗോളുകള്‍ക്കാണ് ഇന്ത്യന്‍ ചുണക്കുട്ടികള്‍ പരാജയപ്പെടുത്തിയത്. ആദ്യ 15 മിനുട്ടിനുള്ളില്‍ തന്നെ ഇന്ത്യന്‍ താരം ദാനു ഹാട്രിക് നേടി. ഹാട്രിക്കുള്‍പെടെ നാലു ഗോളുകളാണ് ദാനു നേടിയത്. ഏനം, വിക്രം, റിഡ്ജ്, തൊയ്ബ എന്നിവര്‍ ഇന്ത്യക്കായി ഗോളുകള്‍ നേടി. വ്യാഴാഴ്ച നടന്ന രണ്ടാം മത്സരത്തില്‍ എസ്. പി വിടരെങ്കയെയേ എതിരില്ലാത്ത നാലുഗോളുകള്‍ക്ക് ഇന്ത്യ പരാജയപ്പെടുത്തിയത്. മൂന്ന് മത്സരങ്ങളും വിജയിച്ച് 9 പോയിന്റുമായാണ് ഇന്ത്യന്‍ സംഘം റൗണ്ട് ഓഫ് 32ലേക്ക് പ്രവേശിച്ചത്.