ജോഹന്നാസ് ബര്‍ഗ്: ക്രിക്കറ്റ് ലോകത്തെ ഞെട്ടിച്ച പന്ത് ചുരണ്ടല്‍ വിവാദത്തെ തുടര്‍ന്ന് ആസ്‌ത്രേലിയന്‍ ക്രിക്കറ്റ് ടീം പരിശീലകന്‍ ഡാരന്‍ ലെമാന്‍ ദക്ഷിണാഫ്രിക്കക്കെതിരേയുള്ള അവസാന ടെസ്റ്റിന് ശേഷമായിരിക്കും രാജിവയ്ക്കുക.
സംഭവത്തില്‍ നേരിട്ട് ബന്ധമില്ലെന്ന് കണ്ടെത്തിയതിനെ തുടര്‍ന്ന് ക്രിക്കറ്റ് ആസ്‌ത്രേലിയ ലെമാനെതിരേ നടപടിയൊന്നും എടുത്തിരുന്നില്ല. കുറ്റക്കാരനല്ലെന്ന് കണ്ടെത്തിയതിനെ തുടര്‍ന്ന് ആസ്‌ത്രേലിയന്‍ ടീമുമായുള്ള കരാര്‍ ഒരു വര്‍ഷം നീട്ടി നല്‍കുകയും ചെയ്തിരുന്നു.
ഇതിനു പിന്നാലെയാണ് ലെമാന്റെ രാജി പ്രഖ്യാപനം. ക്രിക്കറ്റ് ആസ്‌ത്രേലിയ ലെമാനെതിരേ നടപടിയെടുക്കാത്തതില്‍ ആസ്‌ത്രേലിയന്‍ ക്രിക്കറ്റ് ലോകത്ത് നിന്ന് വന്‍ പ്രതിഷേധം ഉയര്‍ന്നിരുന്നു.