മട്ടാഞ്ചേരി: ചെറുവള്ളത്തില്‍ മത്സ്യബന്ധനം നടത്തുന്നതിനിടെ കടലില്‍ വീണ തൊഴിലാളിയെ കാണാതായി.
വൈപ്പിന്‍ പണിക്കര് പടിയില്‍ താമസം കുളച്ചല്‍ സ്വദേശിയായ ടൈറ്റസ് (47) നെയാണ് കാണാതായത്. സുഹൃത്തുമൊത്ത് മത്സ്യബന്ധനം നടത്തുന്നതിനിടെ വൈപ്പിന്‍ എല്‍.എന്‍.ജി ടെര്‍മിനലിന് സമീപത്ത് വെച്ച് കടലില്‍ വീഴുകയായിരിന്നു.
ഇന്നലെ ഉച്ചയ്ക്ക് 12 നായിരിന്നു സംഭവം. സമീപത്തുണ്ടായിരിന്ന മറ്റു വഞ്ചികളിലെ തൊഴിലാളികള്‍ ഉടന്‍ തിരച്ചില്‍ നടത്തിയെങ്കിലും കണ്ടെത്താനായില്ല.
തുടര്‍ന്ന് കോസ്റ്റ് ഗാര്‍ഡ്, കോസ്റ്റല്‍ പോലിസ് ,മറൈന്‍ പോലിസ് എന്നിവരുടെ നേതൃത്വത്തിലും തിരച്ചില്‍ നടത്തി.