ബാങ്കോങ്: തായ്‌ലാന്റില്‍ ഡബിള്‍ഡക്കര്‍ ബസ്സിനു തീപിടിച്ചു 20 കുടിയേറ്റെത്തൊഴിലാളികള്‍ മരിച്ചു. ഇന്ന് പുലര്‍ച്ചെ 1.30ന് തായ്‌ലാന്റ് അതിര്‍ത്തിയോട് ചേര്‍ന്ന പടിഞ്ഞാറന്‍ തായ്‌ലാന്റിലാണ് അപകടമുണ്ടായത്. ബാങ്കോങിനടുത്തുള്ള ഫാക്ടറിയിലേക്ക് പോവുന്നതിനിടയിലാണ് ബസ് അപകടത്തില്‍പ്പെട്ടത്. മ്യാന്‍മര്‍ സ്വദേശികളാണ് മരണപ്പെട്ടതെന്ന് ചില മാധ്യമങ്ങള്‍ റിപ്പോര്‍ട്ട് ചെയ്തു. ബസ്സില്‍നിന്ന് 27 ആളുകളെ രക്ഷിച്ചെന്നും ഇതില്‍ ഒരാള്‍ക്ക് പൊള്ളലെറ്റിട്ടുണ്ടെന്നും പൊലിസ് പറഞ്ഞു.

മാര്‍ച്ച് 21ന് തായ്‌ലാന്റിലെ വടക്ക്കിഴക്കന്‍ റോഡില്‍ ടൂറിസ്റ്റ് ബസ്സും അപകടത്തില്‍പ്പെട്ടിരുന്നു. അന്ന് 18 പേര്‍ മരിക്കുകയും 33 പേര്‍ക്ക് പരുക്കേല്‍ക്കുകയും ചെയ്തിരുന്നു. ലോകാരോഗ്യ സംഘടനയുടെ കണക്കനുസരിച്ച് ലിബിയക്ക് ശേഷം ലോകത്ത് ഏറ്റവും കൂടുതല്‍ ട്രാഫിക് മരണ നിരക്ക് ഉള്ളത് തായ്‌ലാന്റിലാണ്.