കട്ടപ്പന: സിവില്‍ സപ്ലൈസ് വകുപ്പിന്റെ വിവാദ ഉത്തരവ് ഉപഭോക്താക്കളെയും ഉദ്യോഗസ്ഥരെയും വലച്ചു. കണക്കെടുപ്പിനായി ബുധനാഴ്ച മുതല്‍ മാവേലി സൂപ്പര്‍ മാര്‍ക്കറ്റ് അടച്ചിട്ടത് ഉപഭോക്തളേയും ബില്ലടിക്കാതെ സാധനം വില്‍ക്കാന്‍ പിന്നീട് നല്‍കിയ ഉത്തരവ് ഉദ്യോഗസ്ഥരെയും വലച്ചു.
മാര്‍ച്ച് 30, 31 ദിവസങ്ങളായിരുന്നു സാധാരണ മാവേലി സൂപ്പര്‍ മാര്‍ക്കറ്റ് അടച്ചിട്ട് കണക്കെടുപ്പ് നടത്തുന്നത്. എന്നാല്‍ ഈവര്‍ഷം മാര്‍ച്ച് 30 ദുഖവെള്ളി ആയതിനാലാണ് സൂപ്പര്‍ മാര്‍ക്കറ്റുകളില്‍ 29, 30 തീയതികളില്‍ കണക്കെടുപ്പ് നടത്താന്‍ സിവില്‍ സപ്ലൈസ് വകുപ്പ് തീരുമാനിച്ചത്. 28-ന് രാത്രി ബില്ലടിക്കുന്നത് ബ്ലോക്കാക്കുകയും ചെയ്തു.