േേകാഴിക്കോട്: 'ലഹരിക്കെതിരേ ജിഹാദ്' എന്ന പ്രമേയത്തില്‍ എസ്.വൈ.എസ് ജില്ലയില്‍ നടത്തുന്ന ലഹരി വിരുദ്ധ കാംപയിനിന് നാളെ തുടക്കമാകും.
വൈകിട്ട് നാലിന് പുതുപ്പാടി കൈതപ്പൊയില്‍ ഉദ്ഘാടന സമ്മേളനവും സര്‍ക്കാരിന്റെ മദ്യനയത്തിനെതിരെ പ്രതിഷേധ സംഗമവും നടക്കും. സി. മമ്മൂട്ടി എം.എല്‍.എ ഉദ്ഘാടനം ചെയ്യും. കെ.പി.സി.സി ജനറല്‍ സെക്രട്ടറി എ. അരവിന്ദന്‍, മദ്യവിരുദ്ധ സമിതി സംസ്ഥാന കണ്‍വീനര്‍ ഇയ്യച്ചേരി കുഞ്ഞികൃഷ്ണന്‍, എസ്.വൈ.എസ് സംസ്ഥാന സെക്രട്ടറിമാരായ നാസര്‍ ഫൈസി കൂടത്തായി, മുസ്തഫ മുണ്ടുപാറ, ജില്ലാ പ്രസിഡന്റ് സി.എച്ച് മഹ്മൂദ് സഅദി, വൈസ് പ്രസിഡന്റ് മലയമ്മ അബൂബക്കര്‍ ഫൈസി, ബാവ മൗലവി ജീറാനി, നടുക്കണ്ടി അബൂബക്കര്‍, കെ.സി മുഹമ്മദ് ഹാജി, ശാഫി ഫൈസി ചമല്‍, അബ്ദുസലാം അടിവാരം, അബ്ദുല്‍കഹാര്‍ പുതുപ്പാടി പ്രസംഗിക്കും. മെയ് 12നു വടകരയില്‍ പൊതുസമ്മേളനത്തോടെ സമാപിക്കും.