കണ്ണൂര്‍: 28 ലക്ഷം വിദ്യാര്‍ഥികളെ ദുരിതത്തിലാക്കിയ സി.ബി.എസ്.ഇ ചോദ്യക്കടലാസ് ചോര്‍ച്ച ഗുരുതര വീഴ്ചയാണെന്ന് എസ്.കെ.എസ്.എസ്.എഫ് ജില്ലാ കമ്മിറ്റി. പത്ത്, പ്ലസ് ടു ക്ലാസുകളിലെ ചോദ്യങ്ങള്‍ ചോര്‍ന്നതിനെ തുടര്‍ന്ന് പുന:പരീക്ഷ നടത്താന്‍ കേന്ദ്ര സര്‍ക്കാറിന് തീരുമാനിക്കേണ്ടിവന്നത് നാണക്കേടാണെന്നും നേതാക്കള്‍ പറഞ്ഞു. ചോദ്യപേപ്പര്‍ ചോര്‍ച്ചക്ക് പിന്നില്‍ പ്രവര്‍ത്തിച്ചവരെ കണ്ടെത്തി മാതൃകാപരമായി ശിക്ഷിക്കണമെന്നും ഇരയായ വിദ്യാര്‍ഥികളുടെ ആത്മവിശ്വാസം വീണ്ടെടുക്കാന്‍ ഉചിതമായ വഴികള്‍ സ്വീകരിക്കണമെന്നും നേതാക്കളായ ബഷീര്‍ ഫൈസി മാണിയൂര്‍, ബഷീര്‍ അസ്അദി നമ്പ്രം, ജലീല്‍ ഹസനി, അസ്ലം പടപ്പേങ്ങാട്, ശഹീര്‍ പാപ്പിനിശ്ശേരി, ശുക്കൂര്‍ ഫൈസി പുഷ്പഗിരി, സക്കരിയ്യ അസ്അദി ഇരിട്ടി, നസീര്‍ മൂര്യാട്, സ്വാലിഹ് പെരിങ്ങത്തൂര്‍, റശീദ് ഫൈസി പൊറോറ, ഇഖ്ബാല്‍ മുട്ടില്‍, ഗഫൂര്‍ ബാഖവി അഞ്ചരക്കണ്ടി, ഷൗക്കത്തലി ഉമ്മഞ്ചിറ, സുറൂര്‍ പാപ്പിനിശ്ശേരി, മുനീര്‍ കുന്നത്ത്, ഷബീര്‍ പുഞ്ചക്കാട്, എം.കെ.പി മുഹമ്മദ് പറഞ്ഞു.