കുമളി: കുമളി-തേക്കടി റോഡില്‍ കല്ലറയ്ക്കല്‍ ഗ്രൗണ്ടില്‍ ആരംഭിച്ച തേക്കടി പുഷ്പമേള ഏപ്രില്‍ 15 വരെ. 60 സ്റ്റാളുകളാണു സജ്ജമാക്കിയിരിക്കുന്നത്. റോസ്, വിങ്കാറോസ്, മേരിഗോള്‍ഡ്, ജറിബ്ര, കോസ്‌മോസ്, സെലോഷ്യ, ഡയാന്തസ്, ബിഗോണിയ, മെലസ്‌തോമിയ, ഡാലിയ, ഗോള്‍ഡന്‍ സൈപ്രസ്, അക്കാഫ, സീഡം, ജര്‍മ്മന്‍ ഗ്രാസ്, ആസ്റ്റര്‍, പെറ്റിയൂണിയ, ക്രോസ് കോമ്പ് തുടങ്ങി വിവിധങ്ങളായ പുഷ്പങ്ങള്‍ കാണികള്‍ക്കായി ഒരുക്കിയിട്ടുണ്ട്. 25000 ചതുരശ്രയടി വിസ്തീര്‍ണമുള്ള വിശാലമായ പ്രദര്‍ശന നഗറില്‍ കാണികള്‍ക്ക് എല്ലാ സൗകര്യങ്ങളും സജ്ജീകരിച്ചിട്ടുണ്ട്. പെറ്റ്‌സ് ഷോ, പുഷ്പാലങ്കാര മല്‍സരം, ചിത്രരചനാ മല്‍സരം, ഭക്ഷ്യമേള, സൗന്ദര്യ മല്‍സരം, പാചക മല്‍സരം എന്നിവയും മേളയ്ക്കു മാറ്റുകൂട്ടും.