ആര്‍പ്പൂക്കര: തിളച്ചു കൊണ്ടിരിന്ന എണ്ണ പാത്രത്തിലേയ്ക്ക് 12 വയസുകാരന്‍ വീണു. മുഖത്ത് ഗുരുതര പരുക്കേറ്റ കുട്ടിയെ കുട്ടികളുടെ ആശുപത്രിയില്‍ പ്രവേശിപ്പിച്ചു. പാമ്പാടി പങ്ങട പാറയ്ക്കല്‍ താഴെ ഷാന്‍സിയുടെ മകന്‍ ആദിത്യനാണ് പരുക്ക്. ഇന്നലെ രാവിലെ 11.30ന് പാമ്പാടി കൂരേപ്പട മാതൃമല ദേവി ക്ഷേത്രത്തിലായിരുന്നു സംഭവം.
ക്ഷേത്രത്തിലെ വഴിപാടു സദ്യക്ക് ഭക്ഷണം പാചകം ചെയ്യാന്‍ ഒരുക്കിയ എണ്ണപാത്രത്തിലേയ്ക്ക് മുഖം കുത്തി വീഴുകയായിരുന്നു. മുഖത്ത് സാരമായ പൊള്ളലേറ്റ ആദിത്യനെ ഉടന്‍ തന്നെ മെഡിക്കല്‍ കോളജില്‍ എത്തിച്ചു.
പിന്നിട് കുട്ടികളുടെ ആശുപത്രിയിലെ തീവ്രപരിചരണ വിഭാഗത്തിലേക്ക് മാറ്റി.