എടവക: പ്രകൃതി സംരക്ഷണത്തിന് ജനകീയ പങ്കാളിത്തം ഉറപ്പാക്കാന്‍ വ്യത്യസ്തമായ പദ്ധതിയുമായി എടവക ഗ്രാമപഞ്ചായത്ത്. അറിവിനൊരു മരമെന്ന പ്രത്യേക പരിപാടിയുമായാണ് പഞ്ചായത്തിന്റെ ഇത്തവണത്തെ പരിസ്ഥിതി ദിനാഘോഷം. ജൈവ വൈവിധ്യം സംരക്ഷണത്തിനായി ജനകീയ പങ്കാളിത്തം ഉറപ്പു വരുത്തുക എന്ന ലക്ഷ്യവുമായാണ് പരിപാടി സംഘടിപ്പിക്കുന്നത്. പഞ്ചായത്തിന്റെ ജൈവ വൈവിധ്യ പരിപാലന സമിതിയാണ് പരിപാടിക്ക് നേതൃത്വം നല്‍കുന്നത്.  നാളെ രാവിലെ 9 മണിക്ക് വിവിധ സ്ഥലങ്ങളില്‍ വൃക്ഷത്തൈയുമായി 'അറിവിന് ഒരുമരം' വാഹനം എത്തും. ലളിതമായ ചോദ്യങ്ങള്‍ ആളുകളോട് ചോദിച്ച് ഉത്തരം പറയുന്നവര്‍ക്ക് മരത്തൈ സമ്മാനമായി നല്‍കുന്നതാണ് പരിപാടി. പഞ്ചായത്ത് പ്രസിഡന്റ് ഉഷാ വിജയന്‍  ഉദ്ഘാടനം ചെയ്യും.