ഹൈദരാബാദ്: വിലക്ക് നേരിടുന്ന മുന്‍ നായകന്‍ ഡേവിഡ് വാര്‍ണര്‍ക്ക് പകരം ഐ.പി.എല്‍ മുന്‍ ചാംപ്യന്‍മാരായ സണ്‍റൈസേഴ്‌സ് ഹൈദരാബാദ് ഇംഗ്ലണ്ട് താരം അലക്‌സ് ഹെയ്ല്‍സിനെ ടീമിലെടുത്തു. വാര്‍ണര്‍ക്ക് പകരമാണ് ഹെയ്ല്‍സിന്റെ വരവ്. പന്ത് ചുരുണ്ടല്‍ വിവാദവുമായി ബന്ധപ്പെട്ട് ക്രിക്കറ്റ് ആസ്‌ത്രേലിയ വാര്‍ണര്‍ക്ക് ഒരു വര്‍ഷത്തെ വിലക്കേര്‍പ്പെടുത്തിയിരുന്നു. ടീമിന്റെ നായക സ്ഥാനം നഷ്ടമായതിന് പിന്നാലെ ഇത്തവണത്തെ ഐ.പി.എല്‍ കളിക്കാന്‍ ഇല്ലെന്ന് വ്യക്തമാക്കി വാര്‍ണര്‍ പിന്‍മാറുകയായിരുന്നു.