കോഴിക്കോട്: 2018 ഏപ്രില്‍ 20, 21, 22 തിയ്യതികളില്‍ കാസര്‍ഗോഡ് തൃക്കരിപ്പൂര്‍ മണ്ഡലത്തിലെ കൈതക്കാട് നടക്കുന്ന ലൈറ്റ് ഓഫ് മദീന (മഹല്ല് പ്രവര്‍ത്തന പദ്ധതി ദൃശ്യാവിഷ്‌കാരം) യില്‍ പങ്കെടുക്കാന്‍ പേര് രജിസ്‌ട്രേഷന്‍ പൂര്‍ത്തിയാക്കിയ മഹല്ല് ഭാരവാഹികള്‍ക്കുള്ള സന്ദര്‍ശന സമയക്രമം പൂര്‍ത്തിയായി.
ഒന്നാം ദിവസം ഏപ്രില്‍ 20 വെള്ളിയാഴ്ച രാവിലെ 8.30ന് തൃക്കരിപ്പൂര്‍, ഉദുമ, പയ്യന്നൂര്‍, തളിപ്പറമ്പ് മേഖലകളില്‍ നിന്നുള്ള മഹല്ലു ഭാരവാഹികളും ഉച്ചക്ക് ശേഷം 2 മണിക്ക് കാഞ്ഞങ്ങാട്, കാസര്‍ഗോഡ്, മഞ്ചേശ്വരം, കണ്ണൂര്‍, ഇരിക്കൂര്‍, മാടായി മേഖലക്കാരും രാത്രി 6.30ന് കമ്പില്‍, പെരിങ്ങത്തൂര്‍, മട്ടന്നൂര്‍, പൂതിയതെരു, തലശ്ശേരി മേഖലകളിലെ മഹല്ലുകാരും പങ്കെടുക്കേണ്ടതാണ്.
രണ്ടാം ദിവസമായ ഏപ്രില്‍ 21 ശനിയാഴ്ച രാവിലെ 8.30 ന് പെരിന്തല്‍മണ്ണ, മേലാറ്റൂര്‍, എടക്കര, കാളികാവ്, നിലമ്പൂര്‍ മേഖലകളിലെ മഹല്ലുകാരും ഉച്ചക്ക് 2 മണിക്ക് പൊന്നാനി, കുറ്റിപ്പുറം, തിരൂര്‍, താനൂര്‍, ചേളാരി, മലപ്പുറം, എറണാംകുളം, നീലഗിരി, ബംഗളൂരു മേഖലകളിലെ മഹല്ലുകാരും രാത്രി 6.30 ന് അരീക്കോട്, എടവണ്ണപ്പാറ, കൊണ്ടോട്ടി, മഞ്ചേരി, തിരൂരങ്ങാടി, കോട്ടക്കല്‍, വേങ്ങര, വളവന്നൂര്‍ മേഖലാ മഹല്ലുകാരും പങ്കെടുക്കുക.
മൂന്നാം ദിവസമായ ഏപ്രില്‍ 22 ഞായര്‍ രാവിലെ 8.30 ന് തൃശൂര്‍, തിരുവനന്തപുരം, കോട്ടയം, കൊല്ലം, ആലപ്പുഴ, പത്തനംതിട്ട, ഇടുക്കി, ഫറോക്ക്, ഓമശ്ശേരി, സിറ്റി, കുന്നമംഗലം, കൊയിലാണ്ടി, എലത്തൂര്‍ മേഖലകളിലെ മഹല്ലുകാരും ഉച്ചക്ക് 2 മണിക്ക് പാലക്കാട് ജില്ലകളിലെ മുഴുവന്‍ മഹല്ലുകാരും, രാത്രി 6.30 ന് കൊടുവള്ളി, ബാലുശ്ശേരി, പേരാമ്പ്ര, കുറ്റ്യാടി, നാദാപുരം, വടകര, കൂത്തുപറമ്പ് മേഖലകളിലെ മഹല്ലുകാരും വയനാട് ജില്ലയിലെ മുഴുവന്‍ മഹല്ലുകാരും പങ്കെടുക്കുക.
ഓരോ മേഖലകള്‍ക്കും നിശ്ചയിച്ച സമയത്ത് എത്തുകയും ഒരു മഹല്ലിലെ മുഴുവന്‍ അംഗങ്ങളും ഒന്നിച്ച് പവലിയന്‍ സന്ദര്‍ശനം നടത്തുന്നതും ശ്രദ്ധിക്കേണ്ടതാണ്. സമ്മേളന പ്രതിനിധികള്‍ക്ക് വേണ്ടി മാത്രമുള്ള പ്രത്യേക പ്രവേശന മൊബൈല്‍ ആപ്ലിക്കേഷന്‍ രണ്ടു ദിവസത്തിനകം മേഖലാ കമ്മിറ്റികള്‍ മുഖേന ലഭ്യമാകുന്നതാണ്. ലൈറ്റ് ഓഫ് മദീനയില്‍ വരുന്നതിന് മുമ്പ് മൊബൈല്‍ ആപ്ലിക്കേഷന്‍ കൈപ്പറ്റേണ്ടതാണെന്ന് സ്വാഗത സംഘം ഓഫിസ് അറിയിച്ചു.