ബെല്‍ഗ്രേഡ്: പരുക്കും ഫോമില്ലായ്മയേയും തുടര്‍ന്ന് കരിയറിലെ ഏറ്റവും മോശം സമയത്തിലൂടെ കടന്നുപോകുന്ന മുന്‍ ലോക ഒന്നാം നമ്പര്‍ താരം സെര്‍ബിയയുടെ നൊവാക് ദ്യോക്കോവിച് പരിശീലക സ്ഥാനത്ത് നിന്ന് ടെന്നീസ് ഇതിഹാസം ആന്ദ്രെ അഗാസ്സിയെ ഒഴിവാക്കി. മികവിലേക്ക് തിരിച്ചെത്താന്‍ ശ്രമിക്കുന്ന ദ്യോക്കോവിചിന് അഗാസ്സിയുടെ കീഴില്‍ കാര്യമായ നേട്ടങ്ങളൊന്നും സ്വന്തമാക്കാന്‍ സാധിച്ചിരുന്നില്ല. ഡിസംബറില്‍ ഇവര്‍ക്കൊപ്പം ചേര്‍ന്ന മുന്‍ ചെക്ക് റിപ്പബ്ലിക്ക് താരം റാഡക്ക് സ്റ്റെപാനക്കുമായുള്ള ഇടക്കാല കരാറും ദ്യോക്കോവിച് അവസാനിപ്പിച്ചു.