അബുജ: നൈജീരിയയില്‍ ബോകോഹറം നടത്തിയ ആക്രമണത്തില്‍ 18 പേര്‍ കൊല്ലപ്പെട്ടു. 84 പേര്‍ക്ക് പരുക്കേല്‍ക്കുകയും ചെയ്തിട്ടുണ്ട്.
വടക്കുകിഴക്കന്‍ നൈജീരിയയിലാണു സംഭവം. ഇവിടെ സൈന്യവുമായുണ്ടായ ഏറ്റുമുട്ടലിലാണ് ഇത്രയും പേര്‍ കൊല്ലപ്പെട്ടത്. മൈദുഗുരി നഗരപ്രാന്തത്തിലെ ബാലെ ഷുവ, ബാലെ കുറ തുടങ്ങിയ ഗ്രാമങ്ങളിലാണു ഭീകരര്‍ ആക്രമണം നടത്തിയത്. ബാലെ ഷുവയില്‍ 15ഉം ബാലെ കുറയില്‍ മൂന്നും പേര്‍ കൊല്ലപ്പെട്ടു.
നേരത്തെ തട്ടിക്കൊണ്ടുപോയ 110 വിദ്യാര്‍ഥിനികളെ ബോകോഹറം വെറുതെവിട്ട് ഒരാഴ്ച പിന്നിട്ടാണ് ഭീകരരുടെ ആക്രമണം.