ജൊഹന്നാസ്ബര്‍ഗ്: ദക്ഷിണാഫ്രിക്കയ്‌ക്കെതിരായ നാലാം ക്രിക്കറ്റ് ടെസ്റ്റില്‍ ആസ്‌ത്രേലിയ തോല്‍വിയിലേക്ക്. 612 റണ്‍സിന്റെ കൂറ്റന്‍ ലക്ഷ്യത്തിലേക്ക് ബാറ്റേന്തുന്ന അവര്‍ നാലാം ദിനം കളി നിര്‍ത്തുമ്പോള്‍ മൂന്ന് വിക്കറ്റ് നഷ്ടത്തില്‍ 88 റണ്‍സെന്ന നിലയില്‍. ഒരു ദിവസവും ഏഴ് വിക്കറ്റും ശേഷിക്കേ ഓസീസിന് 524 റണ്‍സ് കൂടി വേണം. സ്‌കോര്‍: ദക്ഷിണാഫ്രിക്ക 488, ആറിന് 344 ഡിക്ല. ആസ്‌ത്രേലിയ 221, മൂന്നിന് 88.