അടിമാലി: എന്‍ജിഒ യൂണിയന്‍ 55 ാം സംസ്ഥാന സമ്മേളനം ഏപ്രില്‍ 29 മുതല്‍ മെയ് ഒന്നുവരെ നടക്കും. ഈസ്റ്റേണ്‍ ന്യൂട്ടണ്‍ സ്‌കൂളില്‍ 3.30ന് മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും. 30ന് സുഹൃത് സമ്മേളനം മന്ത്രി എം.എം മണി ഉദ്ഘാടനം ചെയ്യും. കാര്യക്ഷമവും ജനപക്ഷവുമായ സിവില്‍ സര്‍വ്വീസ് സംവാദം മെയ് 1ന് ജോയ്‌സ് ജോര്‍ജ് എംപി ഉദ്ഘാടനം ചെയ്യും. മന്ത്രിമാരായ ഡോ. ടിഎം തോമസ് ഐസക്ക്, പ്രൊഫ. സി രവീന്ദ്രനാഥ്, സിഐടിയു സംസ്ഥാന ജനറല്‍ സെക്രട്ടറി എളമരം കരിം, എ സമ്പത്ത് എം.പി, കെ.കെ ജയചന്ദ്രന്‍ എന്നിവര്‍ വിവിധ ദിവസങ്ങളില്‍ പങ്കെടുക്കും. സമ്മേളനത്തോടനുബന്ധിച്ചുള്ള സെമിനാറുകള്‍ക്ക് ജില്ലയില്‍ തുടക്കമായി .