മനാമ: ബഹ്‌റൈനിന്റെ പടിഞ്ഞാറന്‍ തീരത്ത് വന്‍ എണ്ണ, വാതക ശേഖരം കണ്ടെത്തി. ഇതുവരെ കണ്ടെത്തിയതില്‍ വച്ച് ഏറ്റവും വലിയ എണ്ണ, വാതക ശേഖരമാണ് ഇതെന്ന് സര്‍ക്കാര്‍വൃത്തങ്ങള്‍ അറിയിച്ചു. 1932ല്‍ രാജ്യത്ത് എണ്ണഖന നം ആരംഭിച്ചശേഷം ഇതാദ്യമായാണ് ഇത്രയും വലിയ എണ്ണ, വാതക ശേഖരം കണ്ടെത്തുന്നത്. കിരീടാവകാശി പ്രിന്‍സ് സല്‍മാന്‍ ബിന്‍ ഖലീഫ അല്‍ഖലീഫ അധ്യക്ഷനായ സാമ്പത്തിക സുരക്ഷാ, പ്രകൃതിവിഭവ ഉന്നതാധികാര സമിതിയാണ് എണ്ണ, വാതക ശേഖരം കണ്ടെത്തിയതായി പ്രഖ്യാപിച്ചത്. പ്രാഥമിക കണ്ടെത്തല്‍ മാത്രമാണിതെന്നും വിശദമായ പര്യവേക്ഷണത്തിനുശേഷം മാത്രമേ എത്രത്തോളം ശേഖരമുണ്ടെന്ന് പറയാനാവൂവെന്നും എണ്ണമന്ത്രി ശെയ്ഖ് മുഹമ്മദ് ബിന്‍ ഖലീഫ അല്‍ഖലീഫ പറഞ്ഞു. ഇതിനായി അന്താരാഷ്ട്ര പെട്രോളിയം കമ്പനികളുമായി കൂടിയാലോചന നടത്തുമെന്നും അദ്ദേഹം പറഞ്ഞു.
രാജ്യത്തിന്റെ ദീര്‍ഘകാല എണ്ണ, വാതക ആവശ്യങ്ങള്‍ നിറവേറ്റാന്‍ പര്യാപ്തമാകുംവിധമുള്ള ശേഖരം ഉണ്ടെന്നാണ് പ്രാഥമിക വിലയിരുത്തലെന്നും അദ്ദേഹം വ്യക്തമാക്കി.