ഗൂഡല്ലൂര്‍: വിശ്വാസ അനുഷ്ഠാന ആചാര കാര്യങ്ങളില്‍ പൂര്‍വിക പാത പിന്തുടര്‍ന്ന് ആദര്‍ശ വിശുദ്ധി കാത്ത് സൂക്ഷിക്കാന്‍ നാം കൂടുതല്‍ ജാഗ്രത കാണിക്കണമെന്ന് എസ്.കെ.എസ്.എസ്.എഫ് സംസ്ഥാന സെക്രട്ടറി സത്താര്‍ പന്തല്ലൂര്‍ പ്രസ്ഥാവിച്ചു.
പൂര്‍വിക പാതയില്‍ നിന്ന് വ്യതിചലിച്ച് പുതിയ വഴികള്‍ തേടിയവര്‍ ആദര്‍ശ വൈകൃതങ്ങളാല്‍ ഇന്ന് ചക്രശ്വാസം വലിക്കുന്ന ദുരവസ്ഥയിലാണുള്ളത്.
മതരംഗത്ത് അബദ്ധങ്ങള്‍ മാത്രം വിളിച്ചു പറയാനാണ് അത് അവരെ സഹായിച്ചതെന്നും അവസാനം തീവ്രവാദത്തിലേക്കും ഭീകരവാദത്തിലേക്കും ഈ നിലാപാടുകള്‍ ചിലരെ കൊണ്ടെത്തിച്ചുവെന്നും അദ്ദേഹം കൂട്ടിച്ചേര്‍ത്തു. എസ്.കെ.ജെ.എം ഗൂഡല്ലൂര്‍ റെയ്ഞ്ച് കമ്മിറ്റി സംഘടിപ്പിച്ച അഖീദ ആദര്‍ശ സംഗമത്തില്‍ മുഖ്യപ്രഭാഷണം നടത്തി സംസാരിക്കുകയായിരുന്നു അദ്ദേഹം.
പ്രസിഡന്റ് ഇമ്പിച്ചിക്കോയ തങ്ങള്‍ അധ്യക്ഷനായി. പി.കെ.എം ബാഖവി ഉദ്ഘാടനം ചെയ്തു. കെ.പി മുഹമ്മദ് ഹാജി, എം മൊയ്തീന്‍ ഫൈസി, സൈദലവി റഹ്മാനി, കുഞ്ഞാവ ഹാജി, ജലീല്‍ മാസ്റ്റര്‍ പട്ടര്‍കുളം, എം.സി സൈദലവി മുസ്‌ലിയാര്‍, ശുഐബ് നിസാമി, ഫള്‌ലുറഹ്മാന്‍ ദാരിമി, ജുദീര്‍ ഷാന്‍ മുസ്്‌ലിയാര്‍, ഹനീഫ ദാരിമി സംസാരിച്ചു.