പേരാവൂര്‍: മുരിങ്ങോടിയില്‍ വാഹന പരിശോധനയ്ക്കിടെ എസ്.ഐയെ കൈയേറ്റം ചെയ്ത സംഭവത്തില്‍ രണ്ടുപേര്‍ അറസ്റ്റില്‍. ഞായറാഴ്ച രാത്രി എട്ടോടെ എസ്.ഐ കെ.വി സ്മിതേഷിനെ മുരിങ്ങോടി സ്വദേശിയായ മൂന്നുപേര്‍ ചേര്‍ന്ന് കൈയേറ്റം നടത്തുകയും കൃത്യനിര്‍വഹണം തടസപ്പെടുത്തുകയും അസഭ്യം പറയുകയും ചെയ്തുവെന്നാണ് കേസ്. സംഭവത്തില്‍ ഉള്‍പ്പെട്ട മുരിങ്ങോടി സ്വദേശി അനൂപ് ഓടി രക്ഷപ്പെടുകയും സന്തോഷ് കുമാര്‍, പ്രദീപന്‍ എന്നിവരെ പൊലിസ് അറസ്റ്റ് ചെയ്യുകയുമായിരുന്നു. മദ്യ ലഹരിയിലായിരുന്നു പ്രതികളെന്ന് പൊലിസ് പറഞ്ഞു. പ്രതികളെ ഇന്ന് കോടതിയില്‍ ഹാജരാക്കും.