ന്യൂഡല്‍ഹി: പാര്‍ലെന്റിന്റെ ഇരുസഭകളില്‍ ഇന്നും ബഹളം. പ്രതിപക്ഷ ബഹളത്തെ തുടര്‍ന്ന് ഇരുസഭകളും നിര്‍ത്തിവച്ചു. ലോക്‌സഭ ഉച്ചയ്ക്ക് 12 വരെയും രാജ്യസഭ രണ്ടു വരെയുമാണ് നിര്‍ത്തിവച്ചത്.

അണ്ണാ ഡി.എം.കെ അംഗങ്ങളാണ് ലോക്‌സഭയില്‍ ബഹളമുണ്ടാക്കിയത്. കാവേരി പ്രശ്‌നത്തിലാണ് ഇവര്‍ ബഹളമുണ്ടാക്കിയത്. അതേ സമയം ബാങ്ക് തട്ടിപ്പുകളിലെ നിലപാടില്‍ കോണ്‍ഗ്രസ്സും ആന്ധ്ര അനുകൂല മുദ്രാവാക്യവുമായി ടി.ഡി.പിയും രാജ്യസഭയില്‍ പ്രതിഷേധവുമായി രംഗത്തെത്തി.

ഇനിയും ബഹളം തുടരുകയാണെങ്കില്‍ വ്യാഴാഴ്ച അനിശ്ചിതകാലത്തേക്ക് സഭ പിരിയാന്‍ സാധ്യതയുണ്ടെന്ന് രാജ്യസഭ ചെയര്‍മാന്‍ വെങ്കയ്യ നായിഡു പറഞ്ഞു.