വടക്കാഞ്ചേരി: രണ്ട് വര്‍ഷം മുന്‍പ് ഭര്‍ത്താവ് ഉപേക്ഷിച്ച യുവതിയെ വിവാഹ വാഗ്ദാനം നല്‍കി പീഡിപ്പിച്ചുവെന്ന പരാതിയില്‍ വടക്കേക്കാട് പുന്നയൂര്‍ക്കുളം സ്വദേശിയായ യുവാവിനെതിരേ പൊലിസ് കേസെടുത്തു.
പുന്നയൂര്‍ക്കുളം സ്വദേശിയായ സന്തോഷി (33) നെതിരെയാണ് നടപടി. യുവാവിന്റെ അയല്‍വാസിയായ 35 കാരിയുടെ പരാതിയെ തുടര്‍ന്നാണ് കേസ്. 2000 ത്തില്‍  വിവാഹിതയായ യുവതിയെ 2012 ല്‍ ഭര്‍ത്താവ് ഉപേക്ഷിച്ചിരുന്നു. ഒരു കുട്ടിയുടെ മാതാവായ യുവതി തുടര്‍ന്ന് മേഖലയിലെ ടെക്സ്റ്റയില്‍ ഷോറൂമുകളിലും വ്യാപാര സ്ഥാപനങ്ങളിലും ജോലി  ചെയ്ത് വരികയായിരുന്നു.
ഇതിനിടയിലാണ് സന്തോഷുമായി പരിചയത്തിലാകുന്നത്. യുവതിയെ വിവാഹം ചെയ്യാമെന്ന് വാഗ്ദാനം നല്‍കുകയും  പീഡിപ്പിച്ച് വരുകയുമായിരുന്നുവെന്ന് യുവതി നല്‍കിയ പരാതിയില്‍ പറയുന്നു. നിരവധി തവണ വാഴാനി വിനോദ സഞ്ചാര കേന്ദ്രത്തില്‍ എത്തിച്ച്   സന്തോഷ് തന്നെ പീഡിപ്പിച്ചിരുന്നതായും യുവതി മൊഴി നല്‍കി.
പുന്നയൂര്‍ക്കുളം പൊലിസില്‍ നല്‍കിയ പരാതി വാഴാനി ഡാമില്‍ വെച്ചാണ്  പീഡനം നടന്നത് എന്നതിനാല്‍ യുവതിയുടെ പരാതി വടക്കാഞ്ചേരി പൊലിസിന് കൈമാറുകയായിരുന്നു.