ആനക്കര : ബിവറേജസ് കോര്‍പ്പറേഷന്റെ വിദേശമദ്യവില്പനശാല യില്‍ നിന്നും വാങ്ങി വില്പ്പനയ്ക്കായി കടത്തുകയായിരുന്ന മുപ്പത് ബോട്ടില്‍ വിദേശമദ്യവും, മദ്യം കടത്താന്‍ ഉപയോഗിച്ച കാറും തൃത്താല എക്‌സൈസ് ഇന്‍സ്‌പെക്റ്റര്‍ പിസജു വിന്റെ നേതൃത്വത്തില്‍ പിടിച്ചെടുത്തു.
തൃത്താല ഞാങ്ങാട്ടിരി ഭാഗത്ത് വാഹന പരിശോധന നടത്തുന്നതിനിടയിലാണ് മദ്യം പിടിക്കുടിയത്. കാര്‍ െ്രെഡവര്‍ കോട്ടയം കാഞ്ഞിരപ്പള്ളി വില്ലണി മധുരാപുരിയില്‍ വിഷ്ണു മുഖസേനന്‍ (40) എന്നയാളെ സംഭവസ്ഥലത്ത് നിന്നും അറസ്റ്റ് ചെയ്തു.
പ്രധാന പ്രതി നാഗലശ്ശേരി മതുപ്പുള്ളി തെക്കേക്കര നരിക്കുഴിയില്‍ സുധീര്‍ (35) പരിശോധനക്കിടെ ഓടി രക്ഷപ്പെട്ടു. വില്പനശാലയില്‍ നിന്നും കൊണ്ടു പോകുകയായിരുന്ന മദ്യം അഖിലാണം ഭാഗത്ത് രഹസ്യ കേന്ദ്രങ്ങളില്‍ സൂക്ഷിച്ച് പൂരം പ്രമാണിച്ച് വന്‍തോതില്‍ വില്പ്പന നടത്താനായി കടത്തുകയായിരുന്നു.
പ്രധാന പ്രതി സുധീറിനെ പിടികൂടുവാന്‍ ഊര്‍ജ്ജിത ശ്രമങ്ങള്‍ തുടങ്ങി. എക്‌സൈസ് പാര്‍ട്ടിയില്‍ ഇന്‍സ്‌പെക്റ്ററെ കൂടാതെ അസി. ഇന്‍സ്‌പെക്റ്റര്‍ എം എസ്സ് പ്രകാശന്‍ പ്രിവന്റീവ് ഓഫീസര്‍മാരായ വികെ പ്രസാദന്‍ ,ഓസ്റ്റിന്‍, ജയരാജ് ,സിവില്‍ എക്‌സൈസ് ഓഫീസര്‍മാര്‍ മേഘനാഥന്‍, മണികണ്ഠന്‍ ,ഫ്രന്നറ്റ് എന്നിവര്‍ ഉണ്ടായിരുന്നു.