ചേലക്കര: താലപ്പൊലിക്കിടെ ആന ഇടഞ്ഞു. പാപ്പാന് കുത്തേറ്റു മായന്നൂര്‍ ശ്രീകുരുംബക്കാവ് താലിപ്പൊലി ആഘോഷത്തിനിടെ കൊമ്പന്‍ കുറുമ്പു കാട്ടി പാപ്പാനെ കുത്തി. കൊണ്ടാഴി ദേശം എഴുന്നള്ളിപ്പ് തൃത്തം തളി ക്ഷേത്രത്തില്‍ നിന്ന് മായന്നൂര്‍ കാവിലേക്കു വരുന്നതിനിടയിലാണു സംഭവം.
അഞ്ച് ആനകളെയാണു ദേശം എഴുന്നള്ളിച്ചിരുന്നത്. ഇതില്‍ ചെറുപ്പളശ്ശേരി മണികണ്ഠനാണു അനുസരണക്കേടു കാണിച്ചു പാപ്പാനെ തുമ്പിയില്‍ പൊക്കിയെടുത്തു നിലത്തു കുത്തിയത്. ഉടന്‍ തന്നെ മറ്റു ആനകളുടെ പാപ്പാന്‍മാര്‍ ചേര്‍ന്നു കൊമ്പനെ നിയന്ത്രിച്ചതിനാലാണു വന്‍ദുരന്തം ഒഴിവായത്. തുടര്‍ന്നു ഈ ആനയെ ഒഴിവാക്കിയാണു എഴുന്നള്ളിപ്പു പൂര്‍ത്തിയാക്കിയത്.