തൃപ്രയാര്‍: തൃപ്രയാര്‍ ശ്രീവിലാസ് യു.പി സ്‌കൂളില്‍ മഴക്കാലപൂര്‍വ്വ ശുചീകരണ പ്രവര്‍ത്തനങ്ങള്‍ നടത്തി. അധ്യാപകരുടേയും വിദ്യാര്‍ഥികളുടേയും നേതൃത്വത്തില്‍ നടന്ന ശുചീകരണം നാട്ടിക ഗ്രാമപഞ്ചായത്ത് പ്രസിഡന്റ് പി.വിനു ഉദ്ഘാടനം ചെയ്തു.
പി.ടി.എ പ്രസിഡന്റ് വത്സന്‍ പുറക്കാട്ട് അധ്യക്ഷനായി. ഹെല്‍ത്ത് കണ്‍വീനര്‍ കെ.ബി ഗീത ശുചിത്വ ബോധവല്‍ക്കരണ പ്രതിജ്ഞ ചൊല്ലിക്കൊടുത്തു. പ്രധാനാധ്യാപിക ടി.ലത, ബിന്ദു പ്രദീപ്, വി.പ്രസന്ന എന്നിവര്‍ സംസാരിച്ചു.