കാസര്‍കോട്: കേരള കാര്‍ഷിക വികസന കര്‍ഷക ക്ഷേമ വകുപ്പ് 2017-18 സാമ്പത്തിക വര്‍ഷത്തിലെ മികച്ച ജൈവ കാര്‍ഷിക ഗ്രാമപഞ്ചായത്തുകള്‍ക്കായി ഏര്‍പ്പെടുത്തിയ അവാര്‍ഡിന് ജില്ലാ തലത്തില്‍ പനത്തടി ഗ്രാമപഞ്ചായത്ത് ഒന്നാം സ്ഥാനവും കിനാനൂര്‍-കരിന്തളം ഗ്രാമപഞ്ചായത്ത് രണ്ടാം സ്ഥാനവും മൂളിയാര്‍ ഗ്രാമപഞ്ചായത്ത് മൂന്നാം സ്ഥാനവും കരസ്ഥമാക്കി. കഴിഞ്ഞ സാമ്പത്തിക വര്‍ഷം നടപ്പാക്കിയ ജൈവ കാര്‍ഷിക പ്രവര്‍ത്തനങ്ങള്‍ മുന്‍ നിര്‍ത്തി ജില്ലാ പഞ്ചായത്ത് പ്രസിഡന്റ് ചെയര്‍മാനും പ്രിന്‍സിപ്പല്‍ കൃഷി ഓഫിസര്‍ കണ്‍വീനറുമായുളള ജില്ലാ തല കമ്മിറ്റിയാണ് അവാര്‍ഡ് നിശ്ചയിച്ചത്.