അങ്കമാലി: മദ്യലഭ്യത കുറയ്ക്കുന്ന മദ്യനയം നടപ്പിലാക്കുവാന്‍ വേണ്ട നടപടികള്‍ ആവിഷ്‌കരിക്കണമെന്ന് കെ.സി.ബി.സി എറണാകുളം അതിരൂപത സമ്മേളനം ആവശ്യപ്പെട്ടു. അങ്കമാലി സെന്റ് ജോര്‍ജ് ബസലിക്ക ഹാളില്‍ നടന്ന സമ്മേളനത്തില്‍ അങ്കമാലി സെന്റ് ജോര്‍ജ് ബെസലിക്ക റെക്ടര്‍ ഡോക്ടര്‍ കുരിയാക്കോസ് മുണ്ടാടന്‍ അതിരൂപത പ്രവര്‍ത്തന വര്‍ഷോദ്ഘടനം നിര്‍വഹിച്ചു.
സമ്മേളനത്തില്‍ അതിരുപതാ പ്രസിഡന്റ് കെ.എ.പൗലോസ് അദ്ധ്യഷത വഹിച്ചു. ഫാദര്‍ ജോര്‍ജ് നേരേ വീട്ടില്‍, അഡ്വ. ചാര്‍ളി പോള്‍, ചാണ്ടി ജോസ്, ലോനപ്പന്‍ കോനുപറമ്പില്‍, കെ.എ.റപ്പായി, ബാബു പോള്‍ , കെ.ഒ, ജോയി, ഡീക്കന്‍ ജോബ്, എബ്രാഹം ഓലിയപ്പുറം, കെ.വി.ജോണി, ശോശാമ്മ തോമസ്, ഷൈബി പാപ്പച്ചന്‍, പൗളിന്‍ കൊറ്റമം, സിസ്റ്റര്‍ മരി യൂസ, സിസ്റ്റര്‍ ബെനിസി, സിസ്റ്റര്‍ മറിയറ്റ, ഇ.പി.വര്‍ഗീസ്, എം.പി ജോസ്   പ്രസംഗിച്ചു.