കഠിനംകുളം: കാല്‍നടക്കാര്‍ക്കും ബസ്സ് കാത്തു നില്‍ക്കുന്ന യാത്രക്കാര്‍ക്കും ദുരിതമായി മാറിയ കഴക്കൂട്ടം ബസ് സ്റ്റാന്റ് പരിസരത്തെ അനധികൃത മത്സ്യകച്ചവടം തടയാനെത്തിയ പൊലിസിനു നേരെ മീന്‍കച്ചവടക്കരായ സ്ത്രീകളുടെ അസഭ്യവര്‍ഷം. സംഭവത്തെ തുടര്‍ന്ന് ഇന്നലെ രാത്രി ഏഴരമണിയോടെ കൂടുതല്‍ പൊലിസെത്തി കച്ചവടക്കാരെ ഒഴിപ്പിക്കാനുള്ള ശ്രമത്തിനിടയില്‍ മത്സ്യകച്ചവടക്കാരും പൊലിസും തമ്മില്‍ ഒരുമണിക്കൂറോളം സംഘര്‍ഷാവസ്ഥയും ഉണ്ടായി. ഇതറിഞ്ഞ് കൂടുതല്‍ മത്സ്യത്തൊഴിലാളികള്‍ എത്തി പൊലിസുമായി ഉന്തും തള്ളുമായി.
തുടര്‍ന്ന് ചിലരെ പൊലിസ് പിടികൂടി സ്റ്റഷനിലേക്ക് കൊണ്ടുപോകുകയും സ്ഥലത്തെ മീന്‍കച്ചവടം പൂര്‍ണമായി ഒഴിപ്പിക്കുകയും ചെയ്തു.