തിരുവനന്തപുരം: നാഷണല്‍ ഇന്‍സ്റ്റിറ്റ്യൂട്ട് ഓഫ് സ്പീച്ച് ആന്‍ഡ് ഹിയറിംഗിലെ (നിഷ്) വിദ്യാര്‍ഥികള്‍ സംഘടിപ്പിക്കുന്ന 'സൈലന്റ് വൈബ്‌സ'് എന്ന പ്രദര്‍ശനം നാളെ സെന്‍ട്രല്‍ സ്റ്റേഡിയത്തില്‍ സമാപിക്കും.
ബാച്ചിലര്‍ ഓഫ് ഫൈന്‍ ആര്‍ട്‌സ് അവസാന വര്‍ഷ വിദ്യാര്‍ഥികളുടെ കലാസൃഷ്ടികളാണ് അഞ്ചു ദിവസത്തെ പ്രദര്‍ശനത്തിലുള്ളത്.
ഒന്നിന് ആര്‍ട്ടിസ്റ്റ് ബി. ഡി. ദത്തന്റെ സാന്നിധ്യത്തില്‍ വി. എസ്. അച്യുതാനന്ദനാണ് പ്രദര്‍ശനം ഉദ്ഘാടനം ചെയ്തത്.
25 വിദ്യാര്‍ഥികളുടെ അപ്ലൈഡ് ആര്‍ട്ട്, ചിത്ര, ശില്‍പ്പ സൃഷ്ടികളാണ് പ്രദര്‍ശനത്തിന്റെ ആകര്‍ഷണകേന്ദ്രം. നിഷിന്റെ ആക്കുളം ക്യാംപസില്‍ ജൂണ്‍ ഏഴ്, എട്ട് തിയതികളില്‍ പ്രദര്‍ശനം തുടരും.