ജമ്മു: കശ്മിരില്‍ ഭീകരര്‍ തട്ടിക്കൊണ്ടുപോയ യുവാവിന്റെ മൃതദേഹം കണ്ടെത്തി. തലയറുത്ത നിലയിലാണ് ഇന്നലെ മൃതദേഹം കണ്ടെത്തിയതെന്ന് പൊലിസ് അറിയിച്ചു.
24കാരനായ മന്‍സൂര്‍ അഹമ്മദ് എന്ന യുവാവിനെയാണ് ഇയാളുടെ പിതാവിനൊപ്പം രണ്ട് ദിവസം മുന്‍പ് ഭീകരര്‍ തട്ടിക്കൊണ്ടുപോയത്. ഇതിനിടയില്‍ പിതാവ് ഗുലാം മുഹമ്മദ് ഭട്ട് സംഘത്തിന്റെ പിടിയില്‍ നിന്ന് രക്ഷപ്പെട്ടിരുന്നു.
ലഷ്‌കര്‍ ഭീകരരാണ് സംഭവത്തിന് പിന്നിലെന്നാണ് പൊലിസ് പറയുന്നത്. തദ്ദേശീയനായ മുഹമ്മദ് സലീം പരേക്ക് പങ്കുണ്ടെന്നും പൊലിസ് സംശയിക്കുന്നുണ്ട്. വീട് ആക്രമിച്ചാണ് പിതാവിനെയും മകനെയും ഭീകരര്‍ തട്ടിക്കൊണ്ടുപോയത്.