തിരുവനന്തപുരം: കേരള ഭാഷാ ഇന്‍സ്റ്റിറ്റ്യൂട്ടിന്റെ കേരള ഭാഷാ പാഠശാലയില്‍ മലയാള മധുരം വിളമ്പി ഡോ. നടുവട്ടം ഗോപാലകൃഷ്ണനും ഡോ. പി. സോമനും കുട്ടികള്‍ക്കൊപ്പം സംവദിച്ചപ്പോള്‍ അവധിക്കാലം കുട്ടികള്‍ക്ക് ആസ്വാദ്യകരമായി.
അക്ഷരം, പദം, വാക്യം, വ്യാകരണം എന്നിവ രസാവഹമായി കുട്ടികളിലെത്തിക്കുന്ന പാഠ്യപദ്ധതിയാണ് കേരള ഭാഷാ ഇന്‍സ്റ്റിറ്റ്യൂട്ട് തയാറാക്കിയിരിക്കുന്നത്. നാളെ രാവിലെ 10 മുതല്‍ പ്രൊഫ. വട്ടപ്പറമ്പില്‍ ഗോപിനാഥപിള്ള, കവി ഡോ. ബിജു ബാലകൃഷ്ണന്‍ എന്നിവര്‍ ക്ലാസെടുക്കും.
10 മുതല്‍ 20 വയസ് വരെയുള്ള കുട്ടികള്‍ക്ക് 45 പ്രവൃത്തി ദിവസങ്ങളില്‍ 150 മണിക്കൂര്‍ പഠനം നടത്താന്‍ പാകത്തിനാണ് കേരള ഭാഷാ പാഠശാല പ്രവര്‍ത്തനങ്ങള്‍ നടത്തുന്നത്.

.