ജിദ്ദ: സഊദി അറേബ്യ അമേരിക്കയില്‍ നിന്നും 1.3 ബില്യന്‍ ഡോളറിന്റെ യുദ്ധോപകരണങ്ങള്‍ വാങ്ങുന്നു.
ഇതിനായുള്ള സൗദിയുടെ അപേക്ഷ യു.എസ് സ്വീകരിച്ചതായി വൈറ്റ് ഹൗസ് വൃത്തങ്ങള്‍ അറിയിച്ചു. 180 അത്യാധുനിക യുദ്ധ ടാങ്കറുകള്‍,തോക്കുകള്‍,155 എം.എം ഷെല്ലുകള്‍,പീരങ്കികള്‍ എന്നിവയാണ് വാങ്ങാന്‍ തീരുമാനിച്ചത്. വൈറ്റ് ഹൗസില്‍ നിന്നും ഇതിന് അനുമതി ലഭിച്ചതായി പ്രസ് ടി.വി റിപ്പോര്‍ട്ട് ചെയ്തു. യു.എസും സഊദിയും തമ്മിലുള്ള രണ്ടാമത്തെ പ്രധാനപ്പെട്ട ആയുധ കരാറാണിത്. നേരത്തെയും സഊദി അമേരിക്കയില്‍ നിന്നും ആയുധങ്ങള്‍ വാങ്ങിയിരുന്നു.
കഴിഞ്ഞ മാസം സഊദി കിരീടാവകാശി മുഹമ്മദ് ബിന്‍ സല്‍മാന്‍ രാജാവ് യു.എസ് സന്ദര്‍ശിച്ച വേളയിലാണ് ഇരു രാജ്യങ്ങളും തമ്മില്‍ കരാര്‍ ഉണ്ടാക്കിയത്. 10 വര്‍ഷത്തിനിടെ 110 ബില്യന്‍ ഡോളറിന്റെ ആയുധ ഇടപാടിനാണ് ഇരു രാജ്യങ്ങളും തമ്മില്‍ ധാരണയായത്.