ഹൂസ്റ്റണ്‍: ബഹിരാകാശത്തൊരു അത്യാഡംബര ഹോട്ടല്‍! കേള്‍ക്കുമ്പോള്‍ കൗതുകം തോന്നുന്നില്ലേ..?
എന്നാല്‍, മൂന്നു വര്‍ഷത്തിനകം ആ കൗതുകം തീര്‍ത്തുതരാന്‍ പോകുകയാണ് അമേരിക്കയിലെ ഹൂസ്റ്റണ്‍ കേന്ദ്രമായി പ്രവര്‍ത്തിക്കുന്ന ഒറിയോണ്‍ സ്പാന്‍ എന്ന ബഹിരാകാശ ഗവേഷക കമ്പനി. 2021ഓടെ ബഹിരാകാശത്തെ ആദ്യ ആഡംബര ഹോട്ടല്‍ സജ്ജീകരിക്കാനുള്ള ഒരുക്കത്തിലാണ് കമ്പനി.
ഒരേസമയം നാലു യാത്രികരെയും രണ്ട് ജീവനക്കാരയെും വഹിക്കാന്‍ ശേഷിയുള്ള ബഹിരാകാശ പേടകമാണ് നിര്‍മിക്കാനൊരുങ്ങുന്നത്.
പേടകം യാത്രികരുമായി ബഹിരാകാശത്ത് 12 ദിവസത്തോളം ചുറ്റിനടക്കുമെന്നും കമ്പനി പുറത്തിറക്കിയ വാര്‍ത്താകുറിപ്പില്‍ അവകാശപ്പെടുന്നു. ബഹിരാകാശ ഹോട്ടല്‍ അനുഭവം ആസ്വദിക്കാന്‍ ഒരാള്‍ക്ക് 9.5 മില്യന്‍ ഡോളര്‍(ഏകദേശം 61.6 കോടി രൂപ) ആണ് കമ്പനി ഈടാക്കുക. ഒരൊറ്റ രാത്രിക്ക് അഞ്ചു കോടി രൂപയും.