തിരുവനന്തപുരം: മാജിക് അക്കാദമി കുട്ടികള്‍ക്കായി സംഘടിപ്പിക്കുന്ന ഇന്ദ്രജാലക്കളരിക്ക് തുടക്കമായി. മാജിക് അക്കാദമി വണ്ടര്‍ വേള്‍ഡ് ഓഡിറ്റോറിയത്തില്‍ നടന്ന ചടങ്ങ് മാജിക് അക്കാദമി എക്‌സിക്യുട്ടീവ് ഡയരക്ടര്‍ ഗോപിനാഥ് മുതുകാട് ഉദ്ഘാടനം ചെയ്തു.
കുട്ടികളില്‍ ആത്മവിശ്വാസവും മികവും കഴിവും വളര്‍ത്തിയെടുക്കാനും സമൂഹത്തിന്റെ മുഖ്യധാരയിലേക്ക് വളര്‍ന്നുവരാനും ഇന്ദ്രജാല കല സാധ്യമാക്കുമെന്ന് അദ്ദേഹം പറഞ്ഞു.
ചടങ്ങില്‍ മാജിക് അക്കാദമിയിലെ വിവിധ കോഴ്‌സുകളില്‍ പങ്കെടുത്ത് വിജയിച്ചവര്‍ക്കുള്ള സര്‍ട്ടിഫിക്കറ്റ്, ഇന്ദ്രജാലക്കളരിയില്‍ പങ്കെടുക്കാനെത്തിയ കുരുന്നുകള്‍ക്ക് അക്കാദമി നല്‍കിയ കിറ്റുകള്‍ എന്നിവ മുതുകാട് വിതരണം ചെയ്തു.
ചടങ്ങില്‍ മാജിക് അക്കാദമി ഡയരക്ടര്‍ ചന്ദ്രസേനന്‍ മിതൃമല, മാന്ത്രികാധ്യാപകരായ സനല്‍ നെട്ടയം, നിതിന്‍ ഭദ്രന്‍, യോഗാധ്യാപകന്‍ സുഭാഷ്, കോഴ്‌സ് കോഡിനേറ്റര്‍ കൃഷ്ണകുമാര്‍, ഹരി. എസ്, സുനില്‍ ജോസ് പങ്കെടുത്തു.
രണ്ടുമാസം നീണ്ടുനില്‍ക്കുന്ന ഇന്ദ്രജാലക്കളരിയില്‍ ഇന്ദ്രജാലത്തിന് പുറമേ നിരവധി വിഭവങ്ങളാണ് ഇത്തവണ മാജിക് അക്കാദമി കുട്ടികള്‍ക്കായി ഒരുക്കിയിരിക്കുന്നത്.