തേഞ്ഞിപ്പലം: സ്വന്തം കിടപ്പാടവും ഭൂമിയും നഷ്ടപ്പെടുമെന്ന ഭീതിയില്‍ കഴിയുന്നവര്‍ നിര്‍ബന്ധിത പ്രതിരോധം തീര്‍ക്കുന്ന ഇരകളെ തീവ്രവാദികളാക്കി ചിത്രീകരിക്കുന്നത് അപലപനീയമെന്നു താനൂര്‍ ഇസ്‌ലാഹുല്‍ ഉലൂമില്‍ ചേര്‍ന്ന എസ്.കെ.എസ്.എസ്.എഫ് വെസ്റ്റ് ജില്ലാ സെക്രട്ടേറിയറ്റ്. ജില്ലാ പ്രസിഡന്റ് സയ്യിദ് ഫഖ്‌റുദ്ദീന്‍ തങ്ങള്‍ അധ്യക്ഷനായി. ജില്ലയിലെ മുഴുവന്‍ മേഖലകളിലും ആദര്‍ശ സമ്മേളനം നടത്തും.
അവധിക്കാല കാംപയിനും പ്രവര്‍ത്തന വിലയിരുത്തലും നടത്തി. ജില്ലാ ആസ്ഥാന മന്ദിരം ഉദ്ഘാടനം മെയ് മാസത്തില്‍ നടത്താനും മെയ് 29ന് ഇഫ്താര്‍ മീറ്റും രണ്ടാമതു ജില്ലാ പാര്‍ലമെന്റും ചേരാനും തീരുമാനിച്ചു.
ഷാഫി മാസ്റ്റര്‍ ആട്ടിരി, സയ്യിദ് റഷീദലി തങ്ങള്‍ കണ്ണന്തളി, ഉമറലി തങ്ങള്‍, ഷാക്കിറുദ്ദീന്‍ തങ്ങള്‍, മുഹമ്മദലി പുളിക്കല്‍, ഷാക്കിര്‍ ഫൈസി, എസ്.എം തങ്ങള്‍ ചേളാരി, റഊഫ് കണ്ണന്തളി, നൗഫല്‍ തിരൂര്‍, ജലാല്‍ തങ്ങള്‍, ജലീല്‍ ചാലില്‍കുണ്ട്, അനീസ് ഫൈസി മാവണ്ടിയൂര്‍, നൗഷാദ് ചെട്ടിപ്പടി, ശംസുദ്ദീന്‍ ഫൈസി തുടങ്ങിയവര്‍ പങ്കെടുത്തു.