കോഴിക്കോട്: പൊതുപണം ഉപയോഗിച്ച് നടത്തുന്ന പ്രവൃത്തികളുടെ കരാര്‍ ടെന്‍ഡറില്ലാതെ നല്‍കരുതെന്ന് കേരളാ ഗവണ്‍മെന്റ് കോണ്‍ട്രാക്ടേഴ്‌സ് അസോസിയേഷന്‍.
ടെന്‍ഡറില്ലാതെ പ്രവൃത്തികള്‍ നല്‍കുന്നതു കേന്ദ്ര വിജിലന്‍സ് കമ്മിഷന്റെയും സുപ്രിംകോടതിയുടെയും മാര്‍ഗനിര്‍ദേശങ്ങള്‍ക്ക് എതിരാണ്. കഴിഞ്ഞ സര്‍ക്കാര്‍ ഉരാളുങ്കല്‍ ലേബര്‍ കോണ്‍ട്രാക്ട് സൊസൈറ്റിക്ക് ടെന്‍ഡറില്ലാതെ 977.7കോടിയുടെ പ്രവൃത്തികള്‍ നല്‍കിയിരുന്നു. ഇതിനെതിരേ അസോസിയേഷന്‍ നല്‍കിയ ഹരജി ഹൈക്കോടതിയുടെ പരിഗണനയിലാണ്. ടെന്‍ഡര്‍ ഇല്ലാതെ പ്രവൃത്തികള്‍ നല്‍കുന്നതു നാമമാത്ര-ചെറുകിട വിഭാഗങ്ങളില്‍പ്പെട്ട ഇരുപ്പത്തയ്യായിരത്തില്‍പ്പരം കരാറുകാരുടെ നിലനില്‍പ്പിനു ഭീഷണിയാവുമെന്നും അതിനാല്‍ പുതിയ സര്‍ക്കാര്‍ ഇക്കാര്യത്തില്‍ കര്‍ശന നടപടി സ്വീകരിക്കണമെന്നും ഭാരവാഹികള്‍ വാര്‍ത്താസമ്മേളനത്തില്‍ ആവശ്യപ്പെട്ടു. കേരള ഗവണ്‍മെന്റ് കോണ്‍ട്രാക്ടേഴ്‌സ് ഓര്‍ഗനൈസേഷന്‍, കേരള ഗവണ്‍മെന്റ് കോണ്‍ട്രാക്ടേഴ്‌സ് അസോസിയേഷനില്‍ ലയിച്ച് പ്രവര്‍ത്തിക്കാന്‍ തീരിമാനിച്ചതായും ഭാരവാഹികള്‍ അറിയിച്ചു. വാര്‍ത്താസമ്മേളനത്തില്‍ കെ.ജി.സി.എ സംസ്ഥാന പ്രസിഡന്റ് വര്‍ഗീസ് കണ്ണമ്പള്ളി, വൈസ് പ്രസിഡന്റ് സി ചേക്കുട്ടി, ജനറല്‍ സെക്രട്ടറി വി.ഹരിദാസ്, കെ.സതീഷ്‌കുമാര്‍, അബ്ദുല്‍ ലത്തീഫ്, എം.എ.നാസര്‍, സി.രാജന്‍, ജാസിര്‍ പങ്കെടുത്തു.