തിരുവനന്തപുരം: ബംഗാളില്‍ തൃണമൂല്‍ കോണ്‍ഗ്രസ് പ്രവര്‍ത്തകര്‍ അഴിഞ്ഞാടുകയാണെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍. പഞ്ചായത്ത് തെരഞ്ഞെടുപ്പിന്റെ മുന്നോടിയായി അഴിച്ചുവിടുന്ന അക്രമങ്ങള്‍ക്കെതിരേ ശക്തമായ പ്രതിഷേധം ഉയര്‍ന്നുവരണം. 

നാമനിര്‍ദേശപത്രികപോലും നല്‍കാന്‍ അനുവദിക്കാതെയാണ് സി.പി.എം നേതാക്കളെയും പ്രവര്‍ത്തകരെയും അക്രമിക്കുന്നത്. മുന്‍ തെരഞ്ഞെടുപ്പുകളില്‍ ബൂത്ത് കൈയേറിയും അക്രമം നടത്തിയുമാണ് തെരഞ്ഞെടുപ്പ് അട്ടിമറിച്ചതെങ്കില്‍ ഇത്തവണ അതിനുപോലും കാത്തുനില്‍ക്കാതെ തുടക്കത്തില്‍തന്നെ കലാപമഴിച്ചുവിടുകയാണ്.
രാജ്യത്ത് കേട്ടുകേള്‍വി പോലുമില്ലാത്തതാണ് ഇത്തരം കിരാതമായ തെരഞ്ഞെടുപ്പ് അട്ടിമറിയെന്നും കോടിയേരി പറഞ്ഞു.