ബുഡാപെസ്റ്റ്: ഹംഗറി പാര്‍ലമെന്റ് തെരഞ്ഞെടുപ്പില്‍ റെക്കോര്‍ഡ് പോളിങ്. രണ്ടു പതിറ്റാണ്ടിനിടെയുള്ള ഏറ്റവും വലിയ പോളിങ് ശതമാനമാണിത്.
പ്രതിപക്ഷകക്ഷികള്‍ക്കു പ്രതീക്ഷ പകരുന്നതാണ് പോളിങ് ശതമാനം. ഇത് പ്രധാനമന്ത്രി വിക്ടര്‍ ഒര്‍ബാനെ തുടര്‍ച്ചയായ മൂന്നാമൂഴത്തില്‍നിന്നു തടയാന്‍ സഹായിക്കുമെന്നാണ് അവര്‍ കരുതുന്നത്. എന്നാല്‍, മൂന്നില്‍ രണ്ട് ഭൂരിപക്ഷത്തോടെ തന്നെ വിക്ടര്‍ വീണ്ടും അധികാരത്തിലേറുമെന്നാണ് സര്‍വേ ഫലങ്ങള്‍ വ്യക്തമാക്കിയത്. ഭരണഘടനാ ഭേദഗതി അടക്കമുള്ള ഏകാധിപത്യ നടപടികളിലേക്കു നീങ്ങാന്‍ വിക്ടര്‍ സര്‍ക്കാരിനു കൂടുതല്‍ അധികാരവും ആത്മവിശ്വാസവും പകരുന്നതാകും തെരഞ്ഞെടുപ്പ് ഫലം.