ന്യൂയോര്‍ക്ക്: ട്രംപ് ടവറിലുണ്ടായ അഗ്നിബാധയില്‍ ഒരു മരണം.
നാല് അഗ്നിശമന സേനാംഗങ്ങള്‍ അടക്കം ഏഴോളം പേര്‍ക്ക് ഗുരുതരമായി പൊള്ളലേല്‍ക്കുകയും ചെയ്തിട്ടുണ്ട്.ന്യൂയോര്‍ക്കിലെ കെട്ടിടത്തിന്റെ 50-ാം നിലയിലാണ് തീപ്പിടിത്തമുണ്ടായത്. ഇന്ത്യന്‍ സമയം പുലര്‍ച്ചെ 3.30ഓടെയായിരുന്നു സംഭവം. അപാര്‍ട്ട്‌മെന്റുകളും വിവിധ കമ്പനികളുടെ ഓഫിസുകളും അടങ്ങുന്ന നിലയിലാണ് തീപ്പിടിച്ചത്. ഇവിടെ താമസക്കാരനായിരുന്നയാളാണ് അപകടത്തില്‍ മരിച്ചത്. പൊള്ളലേറ്റ് ആശുപത്രിയിലെത്തിച്ചെങ്കിലും രക്ഷിക്കാനായില്ല. തീപ്പിടിത്തത്തിനു കാരണം വ്യക്തമായിട്ടില്ല.200ഓളം അഗ്നിശമന സേനാംഗങ്ങള്‍ ചേര്‍ന്നാണു രക്ഷാപ്രവര്‍ത്തനം നടത്തിയത്. കെട്ടിടത്തില്‍ താമസക്കാരായിരുന്ന എല്ലാവരെയും ഏറെ വൈകാതെ തന്നെ സംഘം പുറത്തെത്തിച്ചു.സ്ഥിതിഗതികള്‍ നിയന്ത്രണവിധേയമായതായി ന്യൂയോര്‍ക്ക് അഗ്നിശമന സേനാ വിഭാഗം കമ്മിഷണര്‍ അറിയിച്ചു.കെട്ടിടത്തില്‍ പ്രസിഡന്റ് ഡൊണാള്‍ഡ് ട്രംപിന് ഒരു വീടും ഓഫിസും പ്രവര്‍ത്തിക്കുന്നുണ്ട്. എന്നാല്‍, പ്രസിഡന്റായി തെരഞ്ഞെടുക്കപ്പെട്ട ശേഷം പ്രഥമ വനിത മെലാനിയയ്ക്കും മന്‍ ബാരണിനുമൊപ്പം വാഷിങ്ടണ്‍ ഡി.സിയിലാണ് ട്രംപ് താമസിക്കുന്നത്.