ഗോള്‍ഡ് കോസ്റ്റ്: കോമണ്‍വെല്‍ത്ത് ഗെയിംസിന്റെ അഞ്ചാം ദിനത്തിലും ഇന്ത്യക്ക് സുവര്‍ണക്കുതിപ്പ്. പുരുഷന്‍മാരുടെ 10 മീറ്റര്‍ എയര്‍ റൈഫിളില്‍ ജിതു റായിയാണ് സ്വര്‍ണം നേടിയത്. ഇതേ ഇനത്തില്‍ ഇന്ത്യയുടെ ഓം പ്രകാശ് മിതര്‍വാള്‍ വെങ്കലവും നേടി.

് റെക്കോഡോടെയാണ് ജിതു റായിയുടെ സുവര്‍ണനേട്ടം. ആസ്‌ത്രേലിയയുടെ കെറി ബെല്ലിനാണ് വെള്ളി.

ഭാരോദ്വഹനത്തിലെ വെള്ളിയോടെയാണ് ഇന്ത്യ അഞ്ചാം ദിനം തുടങ്ങിയത്. പുരുഷന്‍മാരുടെ 105 കിലോ ഭാരോദ്വഹനത്തില്‍ പ്രദീപ് സിങ്ങാണ് വെള്ളി നേടിയത്. 352 കിലോഗ്രാം ഭാരമുയര്‍ത്തിയാണ് പ്രദീപിന്റെ നേട്ടം. കഴിഞ്ഞ വര്‍ഷം നടന്ന കോമണ്‍വെല്‍ത്ത് ചാമ്പ്യന്‍ഷിപ്പില്‍ ജലന്ധറില്‍ നിന്നുള്ള ഇരുപത്തിമൂന്നുകാരന്‍ ചാമ്പ്യനായിരുന്നു.

എട്ടു സ്വര്‍ണവും മൂന്നു വെള്ളിയും നാല് വെങ്കലവുമായി മൂന്നാം സ്ഥാനത്താണ് ഇപ്പോള്‍ ഇന്ത്യ.