കരുവന്നൂര്പദ്ധതി: പൈപ്പിടാന് ധാരണ
ചാവക്കാട്: ഗുരുവായൂര്, ചാവക്കാട് നഗരസഭകളിലേക്ക് കുടിവെള്ളമെത്തിക്കുന്ന കരുവന്നൂര് പദ്ധതിയില് ഒരുമനയൂര് പഞ്ചായത്തിലൂടെയുള്ള പൈപ്പിടല് ആരംഭിച്ചു. പഞ്ചായത്തിലെ രൂക്ഷമായ കുടിവെള്ളക്ഷാമത്തിന് ഒരാഴ്ചക്കകം പരിഹാരം കാണും.
ഗുരുവായൂര് അസി. എക്സി എന്ജിനിയറെ അക്രമിച്ചെന്നാരോപിച്ച് ജനപ്രതിനിധികള്ക്കെതിരേ നല്കിയ പരാതി പിന്വലിക്കാനും പഞ്ചായത്ത് പ്രസിഡന്റ് കെ. ആഷിദ, മുസ്ലിം ലീഗ് നേതാവ് എന്.കെ അബ്ദുല് വഹാബ് എന്നിവര് അസി. എക്സി. എന്ജിനിയര് പി.വി ബെന്നിയുമായി നടത്തിയ ചര്ച്ചയിലാണ് തീരുമാനമായി.
പഞ്ചായത്തില് മാസങ്ങളായി കുടിവെള്ള ക്ഷാമം കാരണം ജനങ്ങള് ദുരിതമനുഭവിക്കുകയാണ്. ഇതില് പ്രതിഷേധിച്ച് ശനിയാഴ്ച്ച കരുവന്നൂര് പദ്ധതിയുടെ പെപ്പിടല് ജനപ്രതിനിധികള് തടഞ്ഞിരുന്നു. ഇതേ തുടര്ന്ന് എന്ജിനിയര് നല്കിയ പരാതിയില് മുന് പഞ്ചായത്ത് പ്രസിഡന്റ് കെ.ജെ ചാക്കോ ഉള്പ്പടെയുള്ളവര്ക്കെതിരേ ജാമ്യമില്ലാവകുപ്പ് പ്രകാരം ചാവക്കാട് പൊലിസ് കേസെടുത്തിരുന്നു. അതേസമയം ഒരുമനയൂരില് പൈപ്പുകള് സ്ഥാപിക്കുന്നതിന് പൊലിസ് സഹായം ആവശ്യപ്പെട്ടാണ് പരാതി നല്കിയതെന്നും ജനപ്രതിനിധികള്ക്കെതിരേ മറ്റു രീതിയില് കേസെടുക്കാന് ആവശ്യപ്പെട്ടിരുന്നില്ലെന്നും ജാമ്യമില്ലാ വകുപ്പ് ചാര്ത്തി കേസെടുത്തത് അറിയില്ലന്നുമാണ് അസി. എക്സി. എന്ജിനിയറുടെ നിലപാട്.
Comments (0)
Disclaimer: "The website reserves the right to moderate, edit, or remove any comments that violate the guidelines or terms of service."