കൊല്ലം: ആദിവാസി ദലിത് വിഭാഗം ഉന്നയിക്കുന്ന സാമൂഹികരാഷ്ട്രീയത്തിന്റെ പ്രസക്തിയും ആവശ്യകതയും മനസിലാക്കാതെ ഹര്‍ത്താല്‍ദിനത്തില്‍ ഗീതാനന്ദന്‍ ഉള്‍പ്പെടെ നിരവധി സാമൂഹിക രാഷ്ട്രീയപ്രവര്‍ത്തകരെ അകാരണമായി അറസ്റ്റ് ചെയ്തത് അപലപനീയമാണെന്ന് ഏകത പരിഷത് സംസ്ഥാന പ്രസിഡന്റ് ജോണ്‍ സാമുവലും വര്‍ക്കിങ് പ്രസിഡന്റ് വടകോട് മോനച്ചനും പ്രസ്താവനയില്‍ അറിയിച്ചു.
സര്‍ക്കാര്‍ സ്‌പോണ്‍സേര്‍ഡ് ബന്ദ്, ഹര്‍ത്താല്‍ സ്ഥിരം സമരായുധമാക്കിയിട്ടുള്ള സര്‍ക്കാര്‍ തന്നെ അറസ്റ്റിന് നേതൃത്വം നല്‍കുന്നുവെന്നതും പ്രതിഷേധാര്‍ഹമാണ്. ഏകത പരിഷത് സ്ഥാപകന്‍ ഡോ പി.വി രാജഗോപാല്‍ നാളെ ഭോപ്പാലില്‍ നടത്തുവാന്‍ നിശ്ചയിച്ച ഉപവാസ സത്യഗ്രഹത്തിന് അനുമതി നിഷേധിച്ച മധ്യപ്രദേശ് സര്‍ക്കാരിന്റെ നടപടിയിലും ഏകത പരിഷത് പ്രതിഷേധിച്ചു.