മണ്ണാര്‍ക്കാട്: ഭരണാധികാരികള്‍ സ്വേച്ഛാധിപതികളായി മാറുന്നുവെന്ന് പാണക്കാട് സയ്യിദ് സ്വാദിഖലി ശിഹാബ് തങ്ങള്‍ പറഞ്ഞു. നെല്ലിപ്പുഴ ദാറുന്നജാത്ത് റൂബി ജൂബിലി ആഘോഷത്തിന്റെ സമാപന പൊതുസമ്മേളനം ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം.
ആത്മീയ വിദ്യാഭ്യാസമാണ് സമൂഹത്തെ നേരിന്റെ മാര്‍ഗത്തില്‍ നയിക്കുന്നത്. രാഷ്ട്രീയ മുദ്രാവാക്യം ഉപയോഗിച്ച് ആത്മീയതയെ ഇല്ലാതാക്കാനുളള ശ്രമം നടന്നുവരുന്നുണ്ട്.
വെല്ലുവിളികളെ നേരിടലാണ് മുസ്‌ലിം സമൂഹത്തിന്റെ ചുമതല. ഗാന്ധിജിയുടെ ആത്മീയത ലോകം അംഗീകരിച്ചതാണെന്നും തങ്ങള്‍ പറഞ്ഞു.
കോര്‍പ്പറേറ്റ് സമൂഹത്തിന്റെ പൊതുശത്രു ഇസ്‌ലാമാണെന്നും തങ്ങള്‍ കൂട്ടിച്ചേര്‍ത്തു. റൂബി ജൂബിലി ബ്ലോക്ക് ശിലാസ്ഥാപനവും, സുവനീര്‍ പ്രകാശനവും പാണക്കാട് സയ്യിദ് സാദിഖലി ശിഹാബ് തങ്ങള്‍ നിര്‍വഹിച്ചു. സമസ്ത ട്രഷര്‍ സി.കെ.എം സ്വാദിഖ് മുസ്‌ലിയാര്‍ അധ്യക്ഷനായി. ഖലീല്‍ ഹുദവി കാസര്‍കോഡ് മുഖ്യപ്രഭാഷണം നടത്തി. തുടര്‍ച്ചയായി നാലുദിവസങ്ങളിലായി നടന്ന ദാറുന്നജാത്ത് യതീംഖാനയുടെ റൂബി ജൂബിലി ആഷോഘ പരിപാടികള്‍ക്ക് പ്രൗഢസമാപനമായി.
ചടങ്ങില്‍ എം.ടി അബ്ദുല്ല മുസ്‌ലിയാര്‍, ഡോ. ബഹാവുദ്ദീന്‍ ഹുദവി, നെല്ലായ കുഞ്ഞഹമ്മദ് മുസ്‌ലിയാര്‍, അഡ്വ. എന്‍. ഷംസുദ്ദീന്‍ എം.എല്‍.എ, ളിയാഉദ്ദീന്‍ ഫൈസി, സി.പി ബാപ്പു മുസ്‌ലിയാര്‍, ടി.ടി ഉസ്മാന്‍ ഫൈസി, കെ.സി അബൂബക്കര്‍ ദാരിമി, മുസ്തഫ അശ്‌റഫി കക്കുപ്പടി, പി.എ തങ്ങള്‍, കെ.പി.എം അലി ഫൈസി, സി. മുഹമ്മദാലി ഫൈസി, സി. മുഹമ്മദ്കുട്ടി ഫൈസി, നിസാമുദ്ദീന്‍ ഫൈസി, അബ്ദുറഹിമാന്‍ ദാരിമി, എം.എം.ഒ.സി മാനേജര്‍ എന്‍. ഹംസ, ബ്ലോക്ക് പഞ്ചായത്ത് പ്രസിഡന്റ് യൂസഫ് പാലക്കല്‍, കല്ലടി അബൂബക്കര്‍, കെ.പി മുഹമ്മദാലി ഹാജി, എ.കെ ശമീര്‍ ഫൈസി കോട്ടോപ്പാടം, കെ. ആലിപ്പു ഹാജി, സി. മുഹമ്മ്ദ് ബഷീര്‍, സംസം ബഷീര്‍, പി. അഹമ്മദ് അഷറഫ്, വി.വി ഷൗക്കത്തലി സംബന്ധിച്ചു.
എം.എം.ഒ.സി സെക്രട്ടറി ടി.എ സലാം മാസ്റ്റര്‍ സ്വാഗതവും, പഴേരി ശരീഫ് ഹാജി നന്ദിയും പറഞ്ഞു. രാവിലെ 10ന് സമ്പൂര്‍ണ പൂര്‍വവിദ്യാര്‍ഥി സംഗമം ദാറുന്നജാത്ത് പ്രിന്‍സിപ്പല്‍ അബ്ദുല്ല ദാരിമി ഉദ്ഘാടനം ചെയ്തു. സ്വഫീയുളള തങ്ങള്‍ ജമലുല്ലൈലി അധ്യക്ഷനായി.
അഡ്വ. ഓണമ്പളളി മുഹമ്മദ് ഫൈസി മുഖ്യപ്രഭാഷണം നത്തി. നജാത്ത് കോളജ് പ്രിന്‍സിപ്പല്‍ പ്രൊ. മുഹമ്മദാലി, പ്രിന്‍സിപ്പല്‍ മുഹമ്മദ് കാസിം, വറോടന്‍ മുസ്തഫ സംബന്ധിച്ചു.
അബൂത്വരീഖ് സെക്രട്ടറി സ്വാഗതവും, ത്വാഹിര്‍ കൈതച്ചിറ നന്ദിയും പറഞ്ഞു.
തുടര്‍ന്ന് നടന്ന വനിതാ സംഗമം നഗരസഭാ ചെയര്‍പേഴ്‌സണ്‍ എം.കെ സുബൈദ ഉദ്ഘാടനം ചെയ്തു.
വളവന്നൂര്‍ വഫിയ്യ കോളജ് പ്രിന്‍സിപ്പല്‍ റംല അമ്പലക്കടവ് സ്റ്റഡി ക്ലാസിന് നേതൃത്വം നല്‍കി. ഡി.എച്ച്.എസ് പ്രധാനാധ്യാപിക വിജയലക്ഷ്മി അധ്യക്ഷയായി. ജസീല ടീച്ചര്‍ സ്വാഗതവും റോസിന ടീച്ചര്‍ നന്ദിയും പറഞ്ഞു.