കൊച്ചി: വൈദ്യുതി തകരാറിനെ തുടര്‍ന്ന് കൊച്ചി മെട്രോ നിശ്ചലമായി. ഇന്നലെ വൈകിട്ട് 6.30 ഓടെയാണ് മെട്രോ സംവിധാനം തകരാറിലായത്. വൈദ്യുതി തകരാറാണ് മെട്രോ റെയില്‍ ഓട്ടത്തിനിടെ നിശ്ചലമാകാന്‍ കാരണമെന്ന് അധികൃതര്‍ അറിയിച്ചു.
പതിനഞ്ച് മിനുട്ടിന് ശേഷം തകരാര്‍ പരിഹരിച്ചു യാത്ര സുഗമമാക്കി. മെട്രോ നിശ്ചലമായതോടെ കംപാര്‍ട്‌മെന്റിനുള്ളിലെ ശീതീകരണ സംവിധാനം നിലച്ചത് യാത്രക്കാരെ വലച്ചു. ഹര്‍ത്താല്‍ ആയിരുന്നതിനാല്‍ ആലുവ, മഹാരാജാസ് ഭാഗത്തേക്ക് പോകാന്‍ യാത്രക്കാര്‍ ഇന്നലെ ഏറെയും ആശ്രയിച്ചത് മെട്രോയായിരുന്നു. നല്ലതിരക്കുള്ള സമയത്ത് മെട്രോ നിശ്ചലമായത് യാത്രക്കാരെ വലച്ചു.