ജിദ്ദ : പ്രവാസജീവിതം അവസാനിപ്പിച്ച് നാട്ടിലേക്ക് മടങ്ങുന്ന ജിദ്ദ എസ്‌വൈഎസ് പ്രസിഡന്റ് ഹാഫിസ് ജഅഫര്‍ വാഫിക്കും സംഘടന പ്രവര്‍ത്തകന്‍ അബൂബക്കര്‍ ഉദിനൂരിനും ജിദ്ദ ഇസ്ലാമിക് സെന്റര്‍ എസ് വൈ എസ് ,എസ് കെ ഐ സി യാത്രയയപ്പ് നല്‍കി.

സയ്യിദ് ഉബൈദുള്ള തങ്ങള്‍ മേലാറ്റൂര്‍ ഉത്ഘാടനം ചെയ്തു. സാമൂഹിക, സംഘടന പ്രവര്‍ത്തന രംഗത്ത് മികവുറ്റ പ്രവര്‍ത്തനങ്ങള്‍ കാഴ്ച്ചവച്ച രണ്ടു വ്യക്തിതങ്ങളെയാണ് ജിദ്ദക്ക് നഷ്ടമാവുന്നതെന്നും, തുടര്‍ന്ന് നാട്ടിലും നല്ല രീതിയില്‍ പ്രവര്‍ത്തനങ്ങള്‍ ചെയ്യാന്‍ കഴിയണമെന്നും അദ്ദേഹം പറഞ്ഞു.

മുസ്തഫ ബാഖവി ഊരകം അധ്യക്ഷം വഹിച്ചു. അന്‍വര്‍ തങ്ങള്‍, അബ്ദുള്ള ഫൈസി, സൈത് ബാഖവി, അബ്ദുള്ള കുപ്പം, എന്‍ പി അബൂബക്കര്‍ ഹാജി, സവാദ് പേരാമ്പ്ര, ഹകീം വാഫി,അബ്ദുല്‍ ജബ്ബാര്‍ മണ്ണാര്‍ക്കാട്, അസീസ് പറപ്പൂര്‍, അബ്ദുള്ള തോട്ടക്കാട് എന്നിവര്‍ സംബന്ധിച്ചു.